再再再侵略金水壽司 @ 旺角

壽司怪又出動, 仲要專門揀 d 天寒地凍既日子去侵略壽司店 !!!

話說好耐都未食過金水, 但今日响呢頭打波, 所以揀左旺角金水~

打完波黎到都已經成 4:00 pm 有多, 位都唔使點等就入得 !!! 而家仲係下午茶時段, 無食幾個月, 都仲係全個餐牌 6 折 (只限銅鑼灣, 尖沙咀同旺角分店) !!!

一坐低就叫左幾樣, 我唔客氣啦 !!!

蟹棒壽司, 三文魚壽司, 帆立貝壽司, 劍魚腩壽司 ~~

火炙三文魚醬油壽司 ~~

明太子沙律壽司, 海膽壽司 ~~

以上各款壽司三文魚, 劍魚腩同帆立貝都無乜味, 二等兵同隊長一致都覺得比以前差左 ?!

炸雞軟骨 ~ 勁正 !!! 不過學隊長話齋, 呢味餸唔正就死得 !!! kakaka~~~

再黎個二等兵至愛 - 軟殼蟹沙律, 開始食既時候好正, 不過食到尾唔知係咪凍左, d 軟殼蟹有點腥, 但都係可以接受既程度 ~

Total : $139

結論 : 雖然荃灣開咗分店, 但都無乜興趣想去試, 因為越黎越認同開得分店越多, 質素越會下降既道理, 下次都係去返尖沙咀或銅鑼灣分店好似好味 d….