今日係 Easter 假期前夕, 我哋玩即興嚟到佐敦津野食放題 ~
今晚真係玩即興呀, 完全無 book 位, 不過接近 7 點幾嚟到都有幾多位 ~
每人 $180, 任飲任食兩小時, 一坐低我哋就點野食喇 ~
汽水可樂, 雪碧, 芬達, 二等兵次次都會飲芬達提子汁, 每次一見到提子汁就會諗起以前哈迪斯既提子汁, hehe ~
隊長當然都要啤啤佢啦 ~
其實食物紙有好多款, 但一開頭唔知頭唔知路, 見到刺身得咁少款, 原來係有刺身 A 紙同刺身 B 紙, 之後燒物又係有幾張囉 ~ 同埋唔好睇食物紙有咁多款以為好多野食, 其實好多野都暫停供應囉 …..
我哋一遞紙, 店員話無燒牛舌, 無雞腎, 無乜乜乜, 無物物物 …. 之後陸陸續續走嚟同二等兵講呢樣無, 嗰樣無, 後來二等兵直情要問佢 : “不如你話我聽有乜野係有吖 ??”
佢俾二等兵咁問完, 態度仍然是幾好的, 但就真係好多野都無得供應囉 ….
Round 1 ~
天婦羅, 唔會好厚粉, 讚 ~
辣味螺肉, 中華沙律, 帶子裙邊, 八爪魚 ~ 普通野, 無特別 !!
主角終於到喇, 除咗暫停供應嗰啲之外, 我哋呢 round 全部都有叫, 第一轉乜都試吓吖嘛 ~
啲刺身都幾新鮮, 好鍾意啲甜蝦同醋鯖魚 ~
雞仔食雞翼, haha ~
燒蝦及燒帆立貝, 帶子未影相已經俾隊長放咗入口啦 ~
啲蝦好難剝殼, 刺身嗰啲好食啲 ~
燒羊架, 讚, 但第二 round 已經失準 ~
汁燒牛肉, 一般啦 ~
薑汁豚肉燒 ~
蒜香牛柳粒 ~
清酒煮蜆 ~
刺身沙律 ~
芝士年糕, 讚 !! 但二等兵只叫一件, 因為食兩件會好膩呀 ~
青口 ~
再叫多次中華沙律, 帶子群邊, 八爪魚, 辣味螺肉 ~
吞拿魚蓉手卷, 紫菜有 d 淋 ~
鬆鬆擒青到跳埋上去 tim …
再叫多次燒雞翼, 燒蝦同燒帆立貝~ 唉, 最衰二等兵至愛既燒牛舌同雞腎暫停供應啦 !!
啲蝦真係好難剝殼呀, 黏實晒啲肉 ~
encore 燒羊架 ~ 今次麻麻地了, 其實到 2nd round 啲野食都好麻麻地, 要不停催 ~
最慘係呢碟刺身, 二等兵追咗 45 mins 先送到, 期間已經追過店員兩三次, 佢哋既回覆係今晚唔係好夠人手, 師傅做唔切 … 但其實今晚唔係咁多人喎, 樓上都唔係坐滿, 樓下又係得一半人, 呢啲人數都做唔切, 唔知多人啲會點呢 ?! 最大問題係佢限住 2 小時, 我哋食第二轉刺身要不停追, 不停追先有得食, 嚟既時候已經等到接近尾聲喇, 唔使煮既野都要等咁耐, 無奈 ….
麵豉湯 ~
嚟多罐可樂 ~
無蟹籽既蟹籽沙律 ~
啲甜品仲攪笑, 好似有好多選擇咁, 叫綠茶雪糕無綠茶雪糕, 叫朱古力雪糕無朱古力雪糕, 其實得返雪米糍囉 …
二等兵平時都幾鍾意食雪米糍架, 但唔知點解呢兩粒雪米糍好難食, 同平時食嗰啲有啲唔同 … 層皮唔知點咁 …
Total : $396 (已加一)
結論 : 店員好有禮貌, 但好多食物都暫停供應, 到 2nd round 又要等好耐, 刺身只食咗兩轉咋 … 加上味道麻麻地, 如果唔介意呢幾樣野其實都無乜問題既 ~
今日同隊長行完街, 行到嚟黎女人街搵食, 呢間係 random 揀選既, 點知有驚喜呀 !!
入到嚟仲有 10 mins 先 18:00 pm, 原來仲可以叫午餐呀, 相同既食物, 午餐平大約 $10 左右, 於是我哋嗱嗱臨响 6 點前落單 ~
餐湯及餐飽 ~
白湯唔係磨菇湯嚟 ga, 係粟米菠菜蓉湯, 一般啦, 反而紅湯好味啲 ~
呢客係意式茄茸雜肉腸磨菇螺絲粉 ($32) ~
賣相唔錯, 亦好鍾意佢好多配料, 茄茸汁都好好味 ~
呢客係白汁吞拿魚蜆肉焗意粉 ($32) ~
賣相亦都唔錯, 好好味呀, 話時話呢類白汁焗意粉真係好難做得唔好食 !!
其實好想叫呢個情濃朱古力火鍋或者本店推介既心太軟, 可惜隊長對朱古力唔十分喜歡, 於是留返下次二等兵有 quota 時先叫 ~
其實晚餐 + $20 有心太軟真係好抵, 一於下次要食咗你 !!
餐飲我哋揀特飲, 紅色果杯係 “草莓柚子蜜”, 跟餐 +$4, 隊長嗰杯係棒子朱古力咖啡, 跟餐 +$10, 兩杯都唔錯 !!
Total : $85 (已加一)
質素唔錯喎, 可以再侵略 !!
——————————————————————————————————————
22/4/2011
話說上次 miss 咗個心太軟無食到後, 二等兵一直都心思思好想試下, 於是今晚再嚟侵略 La Vie ~
上次趕得切 18:00 pm 前入座可以叫午餐, 今日試下晚餐先 ~
仍然係一紅一白既餐湯, 仲有兩塊好好味既多士 ~
隊長叫既呢客係蜜糖芥茉燒德國咸豬手 ($62) ~
啲芥茉汁好好味, 成份餐都好好味 !!
二等兵呢客係露芛鮮蝦芝士忌廉天使麵 ($60) ~
都幾足料呀, 唔錯 !!
本來真係好好好想食心太軟, 點知隊長話食咗份咸豬手之後都幾飽, 食唔落 >.<
於是又放棄咗個心太軟呀 …. =.=
左邊嗰杯係草莓什果賓治 (+$10), 右邊係拖肥牛奶咖啡 (+$10) ~
Total : $156 (已加一)
下次一定要食心太軟呀 !!
早兩日搭地鐵, 見到有鬆弛熊八達通發售呀, 隊長即時匯報俾二等兵知原來 OK 便利店都有得賣 ga ~
今晚經過 OK 便利店, 二等兵又貢獻咗 ($168) 俾鬆弛熊喇 …
買嗰陣諗住會用 ga, 但係想攞出嚟用既時候又發覺太細塊, 好易唔見, 驚唔知放咗响邊 …
於是到呢一刻都未攞出嚟用 …. =.=
小小 話自己 out-dated, 查實二等兵 out-date 過佢 N 倍 … 二等兵到而家先第一次嚟食咋 !!
睇完小小呢篇 blog 之後, 二等兵勁有共嗚, 其實二等兵一直攪唔清呢間叫 “火頭山”, “火山頭” 定 “山頭火”, 唔知係咪無方向感既人係唔會攪得清呢個名呢 ?? 不過都無緊要啦, 反正就算二等兵將佢讀成火山頭, 隊長都知二等兵講緊 “山頭火” 啦, 哈哈 ~
今日為慶祝一個重要既日子, 我哋攪掂晒所有野後, 黎到太古城既山頭火慶祝吓~
因為成個人都好疲累, 所以好想早啲開餐, 我哋結果大約 6 點嚟到山頭火, 呢個時候店舖都無咩人, 好野, 唔使等位 ~
隊長呢份係牛油炒帶子飯定食 ($75) ~
隊長揀咗鹽味拉麵, 感覺上無麵豉拉麵咁濃味, 但都有層油响面, 不過幾好味呀 ~
帶子好香牛油味 ~
二等兵就至鍾意食餃子喇, 見到呢客煎餃子定食 ($83), 雙眼即時放光 ~
呢碗拉麵係麵豉湯底, 味濃, 唔錯 ~
但隻溫泉蛋就 …
餃子好好味呀, 唔知係咪二等兵對餃子有強烈既喜好呢 ~ 哈哈 ~
KO-ed !!
Total : $173.8
隊長, cheers …
今晚進行第三個任務喇 … 唉, 唔知要進行多幾多次任務, 先可以達成心願呢 ?!
今晚又嚟到北角, 完成任務都係接近 20:30 pm, 順理成章都係在附近開餐啦 ~
隊長話佢以前嚟過呢間華順越南餐廳開餐, 今晚經過呢度, 於是帶二等兵嚟撐枱腳囉 ~
我哋叫左個二人餐 ($118), 餐係無飲品的, 於是隊長就另叫了一杯越南咖啡凍滴 ($22) ~
好喇, 睇吓呢個二人餐有咩食先 ~
馬拉盞炒時菜 ~
河粉類任揀兩款, 如選湯檬 +$2, 改乾檬 +$5 ~
隊長例牌叫生牛肉湯河 ~
二等兵就叫咗札肉湯檬 ~
呢個係越式三色拼盤 ~
春卷或粉卷任選一款, 本來每次都必叫春卷既, 但呢排成日出街食飯食到好熱氣, 於是今次叫咗粉卷 ~
食到最尾杯咖啡已經滴咗一半 lu ~
咖啡渣 ~
Total : $142 (免加一)
好味, 下次經過會再侵略 !!
今日終於完成咗我哋第二個任務喇, 任務完成都已經 20:30 pm 喇, 超勁肚餓呀, 於是我哋求其响附近搵間茶餐廳醫肚 ~
嚟到呢間味皇魚蛋粉, 雖然叫 “魚蛋粉”, 但見到門口都有啲晚餐先走入去, 我哋咁肚餓, 唔食晚餐唔掂呀 !!
叫咗一個晚餐 A, 一個晚餐 C, 餐湯揀咗一紅一白 ~
呢個係是日晚餐 A - 戴安娜汁牛仔柳 + 煙肉 + 磨菇腸配意粉 ($37)
估唔到呢個戴安娜汁係黑椒, 真係開正隊長果瓣呀 !!
隊長呢個係晚餐 C - 秘製咖喱焗牛腩飯 ($40)
佢話不過不失 ~
隊長例牌飲凍奶茶 (凍飲 + $2), 二等兵揀咗柑桔蜜 ~
Total : $79
希望嚟緊既任務可以順順利利啦 !!
