我哋 book 咗機票酒店之後, 隊長就開始去圖書館搵資料, 又上網睇網友嘅遊記, 集大成之後, 自已就做一份 itinerary 出來, 淨係 plan 行程同使費方面, 隊長已經花咗唔少功夫喇 !!! 哈哈 …. 點解二等兵好似一 d 嘢都冇參與過 ?? 係因為果陣二等兵要 midterm 同 exam, 所以一考完試之後, 二等兵先即刻開始睇遊記~~~
其實我哋 book 咗 package 之後, 先後發生金融海嘯同埋日元創唔知幾多年嘅新高, 之後又話 d 旅行社會相繼結業, 開頭都好唔開心0架….又好擔心喎, 後來見都擔心唔嚟, 就豁出去啦 !!!
呢次係二等兵第二次去日本, 但就第一次去東京 ~ 同北海道好唔同, d 人 d 步伐真係好急, 另外, 呢度有全日本最新嘅嘢….(啱晒隊長啦 !!)
以下係咁多日以嚟嘅小心得, 希望對各位團友有用啦 !!!
1) 坐凌晨機係就係辛苦 d, 但係就慳好多時間, 全程去幾多日就玩足咁多日。
2) 架機真係幾熱0架, 怕熱嘅千祈唔好著咁多衫。
3) 唔想坐凌晨機食粥水嘅話, 不妨 book 定飛機餐。但係回程可以唔使 book, 因為回程嘅餐唔係食粥水的 ~
4) 到埗之後若果未夠鐘去酒店 check in, 又唔想拎住 d 行李四圍走, 可以選擇把行李寄宅急便, 大約 HK$150 (1700yen), 我哋地就係咁所以慳返好多時間!!!
5) 好多網友都話坐完凌晨機就即刻去築地食壽司, 但其實落機過埋關都已經成 7:00 am, 再搭埋車搵下路都成 8:30 am 先去到, 我覺得會晏咗 d ~
6) 如果想睇東京全景又唔想嘥 $$ 上東京鐵塔的話, 可以去新宿都廳, free 0架 !!
7) 如果打算去 disneyland 的話, 建議預早買飛, 雖然只係平少少, 但係可以唔使响 Disneyland 門口排隊買飛已經值回票價啦 !!! (見到條龍都嚇親 !!) (記住 Disneyland 係唔可以帶大嘅腳架入去0架 !!!(但係亦有團友偷雞帶細嘅腳架 ~~ hehe ~~
)8) 想响台場 (Mega Web) 揸車嘅團友, 可以一個月前上網予約0架 ~ 但記住要攞國際車牌喎 ~
9) 間間藥房賣 d 化妝品 & 護膚品都唔同價錢0架, 一件產品可以差 200 yen, 所以可以睇多幾間先買 !!
沒有留言:
張貼留言