玩咗成大半日, 等到 4:30 pm 返酒店 check in 喇 ~
坐 JR 山手線由原宿去新宿, 再轉中央線去大久保。酒店在 JR 大久保站步行約 10 分鐘, 其實話近唔近, 話遠唔遠, 但如果每日都帶著疲累嘅身軀返酒店就會覺得十分之遠。不過相對地, 比起歌舞伎町附近的酒店是比較靜的, 同埋酒店附近有很多食肆, 例如 : 松屋, 吉野家之類的快餐店, 又有 7-11 & 99 yen Shop 的便利店, 都尚算方便。
响 JR 大久保站南出口出閘, 向西新宿方向行 !!!
住過日本嘅酒店都唔 expect 間房會好大, 這間房是正常日本 size 的房間, 但都足夠擺行李。
而各方面都算乾淨, OK 啦 ~ 又唔係成日 stay 响酒店, 又有乜嘢要求呢 ???
而今朝响机場經宅急便寄嘅行李亦已安全送達 ~~~~
今日真係勁攰, 頭先特登响藥房買包休足今晚出去果陣用。塊休足貼下面有一粒粒嘅薄荷成份, 但對於二等兵今日行咗平時一個月行嘅路嚟講, 好似作用不大…….
响酒店 settle down 後, 我哋又向新宿進發 !!!
首站係去大黑屋買 “迪迪尼” 飛 ~~~ 果度前後有幾間唔同嘅賣飛舖0架, 間間都唔同價錢, 真係要慢慢睇, 本來見到最平係 5600 yen 一張, 同佢講話要兩張, 佢就問我哋去唔去埋 Sea, 我哋話只係去 “迪迪尼” 咋, 於是佢拎咗張 2009.11.17 到期嘅飛俾我哋, 5500 yen 一張, 俾原價平咗 300 yen, 我哋其實好疑惑, 究竟呢張飛用唔用得0架呢 ?? 不過我哋講明係 … tomorrow, “Disney 爛多” only 我諗佢應該明我哋講乜啩 ?? 於是就照買喇 !!
响大黑屋買完飛後, 二等兵就同隊長分開 shopping, 隊長自己去行書局 (纪伊国屋書店), 二等兵就行小田急百貨。二等兵响表參道已經血拼完一輪, 於是响小田急就冇收穫喇, 而呢個時候隊長終於出手喇, 冇咗二等兵响身邊, 梗係非常之放肆啦, 收穫非常之豐富 …買到一袋二袋 !!!
Shopping 完一輪, 我哋都見餓喇, 隊長話不如去 Dinner, 就去咗涉谷喇。
隊長提議食一蘭拉麵, 相信好多朋友都會知道呢度嘅特式係點架喇, 所以我都唔多講喇, 呢度係一人一格坐响度食, 唔會同人同枱, 亦唔會俾人搔擾, 我反而有個好得意嘅感覺, 就係覺得好似响 HK ”投票” 時咁, 一人一格, 好秘密咁。如果當時我坐隊長隔離就好啦, 可惜我地要分開坐 …………
呢隻蛋真係好正, 只係加 100 yen 咋, 仲有張圖文並茂嘅紙教你點剝殼 tim !!!
二等兵同隊長分開坐就出事喇 !! 大家見唔見到隊長有塊叉燒呢 ?? 唔識日文嘅二等兵唔知果度問我要唔要叉燒, 求其圈咗左手邊嗰個日文, 點知原來係 “不要” 咁解 …….好彩加咗 100yen 要隻蛋咋, 如果唔係真係淨拉麵一碗吖唔該。
食完拉麵暖完肚, 我哋又四圍行, 終於見到傳聞中既ハ千公狗像 ~~
二等兵 : “隊長如果我哋走散咗, 你記住响呢個位等我喎…..!!”
隊長 : “二等兵, 乜我哋走散咗, 你識返嚟呢度咩 ??”
二等兵 : “咦 ……… 又係喎 ~_~” “
區區一碗拉麵點夠隊長飽吖, 我哋返到酒店附近嘅松屋嚟多個宵夜先 ~
隊長 : “牛肉飯一碗吖唔該……”
二等兵 : “係要自已買飛0架 !! “
返酒店食返頭先响小田急買嘅士多啤梨, 勁甜好好味, 認住呢個牌子 (博多縣出產), 因為之後食過第二個縣出產嘅士多啤梨係冇咁甜 ~~ ^^
今日真係超攰…….各位團友早抖啦, 我哋聽日要侵略迪士尼呀….. !!! Bye Bye
是日支出表 :
| Burger King 芝士薯寶 + 蘋果批 | 24+10 | HK$34 |
| 宅急便 | 1700 | ¥1,700 |
| Suica | 2000x2 | ¥4,000 |
| 粟米湯 | ¥120 | |
| 飲品(茶) 及飯團 | 147 + 105 | ¥252 |
| 朱古力牛角飽 | ¥160 | |
| 頸鏈 | ¥630 | |
| Pancake | ¥480 | |
| 休足 & 糖 | 499 + 89x3 | ¥766 |
| 雜貨 | ¥1,048 | |
| Agnes b | ¥9,975 | |
| Lunch: 黑毛和牛 | 1180 + 880 | ¥2,060 |
| Mimo | ¥11,340 | |
| 大黑屋買迪士尼飛 | 5500 x 2 | ¥11,000 |
| 買書 | ¥15,930 | |
| 士多啤梨(小田急) | ¥580 | |
| 一蘭拉麵 | (790 + 100) x 2 | ¥1,780 |
| Book off 書 | ¥410 | |
| 松屋 | ¥380 | |
| Suica 增值 | 2000 x 2 | ¥4,000 |
| 乳酪 & 飯團 | 104 + 104 | ¥208 |
| Total: | ¥66,819 | |
| HK$34 |
沒有留言:
張貼留言