Day 4 Part 1 - 難波 (早餐 - 松屋), 鞍馬 (Part 1)

今日行程 : 難波 (早餐 - 松屋) —> 鞍馬 —> 貴船 —> 祇園 (下午茶 - 茶寮都路里) —> 河原町 Shopping —> 二条城 —> Dinner - 馬鹿一代ラーメン —> JR 京都駅 —> 酒店休息


有跟開我哋團既團友都知, 隊長出名係「見學王」, 今朝响酒店 lobby 準備出發既時候發現有本咁既嘢, 真係啱晒佢呀 !! 佢仲話 plan 定下個 trip 要參觀既見學團 tim 呀 ……. 啤酒廠見學 …. 垃圾堆填區見學 etc …. 暈 …….

由於今日要做啲體力勞動既活動, 所以今朝再次嚟到 松屋 (道頓堀店) 吃一個豐富啲既早餐, 起碼食碗早飯, 陣間先有吃有力行山 ~

二等兵買返昨天隊長吃既 “牛カルビ丼野菜 (並)" (490 yen) ~ 而隊長就試新嘢, 揀咗左上角既 "中落ちカルビステーキ定食" (690 yen) ~

我哋揀咗餐, 即係跟沙律, 個沙律撈芝麻醬真係超好味 !!




吃飽飽我哋出發喇 !!


你哋覺唔覺相中隻小龟好似麥兜既 “阿輝” 呀 ?!

今日我哋既行程會嚟到京都北面既鞍馬 ~ 其實路程都幾轉折架, 由難波出發大約要 2 hrs 先到達鞍馬, 當然中間要轉一輪車先到啦 !!

先由 なんば駅 坐 御堂筋線 到 淀屋橋駅, 再轉 京阪本線 由 淀屋橋駅 坐特急到 出町柳駅 ~

大約 1 hr 到達出町柳, 見到啲相好靚又無聊影 ~

隊長, 好想紅葉季節來一次呀 ~ 

再由 出町柳駅 轉 叡山電車 到 鞍馬駅 ~ 在這裡已輾轉感覺到郊遊既氣色 ~

架列車好靚呢 ~

見唔見到遠處兩位 “老外” ?? 佢哋好犀利呀, 識得搵到嚟鞍馬行山 !! 而明天我哋在坐地鐵到心齋橋時, 又遇見佢哋呢 !! 真係勁 ~ 

大約半小時車程, 我哋終於來到鞍馬喇 !!

响案內取了地圖及蓋印仔後, 我哋就出發喇 !!


我哋選擇咗由鞍馬玩返去貴船, 因為鞍馬上山段路比較易行, 反之, 如果由貴船起行, 上山段路太斜有啲吃力 ~

好可愛既 地圖 ~

散策コース例：叡山電鉄鞍馬駅→ 徒歩10分 → 由岐神社 → 徒歩15分 → 鞍馬寺 → 徒歩20分 → 鞍馬寺・魔王殿 → 徒歩30分 → 貴船神社 → 徒歩30分（またはバス）→ 叡山電鉄貴船口駅

由 “鞍馬駅" 出發, 沿路行到 "貴船神社", 全程大約 2 hrs, 而中間有啲椅子可以休息, 加上又有高樹遮蔭, 所以全程都唔太吃力 ~

GO GO GO !!

整段路都被翠綠既樹木同埋橙紅色既廟宇、鳥居、獻燈包圍著, 响度行山真係賞心樂事 !!


鞍馬寺 ~

二等兵不停影呀影、影呀影 ……

遠處的樹林好有型呢 !!

影段 movie 俾大家睇吓先 ~ 幾咁寧靜, 幾咁 relax !!




啲樹好高可以遮蔭, 加上天氣夠乾爽, 完全唔會出汗 ~ 全程都行得好舒服 !!

魔王の滝 ~

鬼一法眼社 ~

由岐神社, 鞍馬の火祭 ~ 相信火祭的時候應該好熱鬧呢 ~

竟然見到紅葉 ~

無聊影 ~ hehe ~

傳聞呢棵係百年老樹嚟架, 真係好粗壯同好高大呢 !!

岩上社 ~

冠者社 ~

由岐神社 ~

各種繪馬 ~