Day 5 Part 1 - 難波, 大阪市中央卸売市場 (早餐 - ゑんどう寿司), 大阪証券取引所 (見學), 中之島公園

今日行程 : 難波 —> 大阪市中央卸売市場 (早餐 - ゑんどう寿司) —> 大阪証券取引所 (見學) —> 中之島公園 —> 心斎橋 (Lunch - 明治軒) —> 心斎橋 Shopping —> 大阪ステーションシティ —> 夜遊心斎橋 —> Dinner - 松阪牛焼肉 M —> 酒店休息

轉眼間今日已經係尾二嗰日了, 我哋今天會留在難波, 心斎橋及梅田 shopping, 仲要補吃返呢幾日未吃既餐廳 ~

又係懶懶閒咁起床  , 今日第一個節目會到 大阪市中央卸売市場 吃早餐 ~

由 なんば駅 (難波) 坐 地下鉄千日前線 到 玉川駅 ~

見到啲廣告又影吓 ~

响 “出口 6” 再行多 10 分鐘左右就到喇 ~

果然啲魚市場會在河邊附近呢 ~

人影都無隻 =.=

又見到呢啲石油汽運貨車 ~

其實呢個市場並唔出名的, 無乜遊客會特登嚟, 亦無乜旅遊書會特別講 ~

嚟到我哋既 target - ゑんどう寿司 ~



店舖細細的 ~

老闆既 Q 版畫像, so cute ~



放在枱面既豉油 & 酸薑 ~

其實一坐低, 根本無 menu 架, 佢 suggest 我哋 order “上まぜ” (おまかせ - 廚師推介) & “赤だし” (味噌汁), 我哋就响唔知價錢、唔知食乜既情況之下叫咗每人兩客 “廚師推介” 同埋麵豉湯囉 !! 勁呀 ……..

碗麵豉湯好濃郁, 好正 ~

 

第一份 “廚師推介” ~

其實我哋都唔 sure 係咩魚, 但總括嚟講, 除咗最左邊既鰻魚壽司係麻麻哋之外, 其他壽司都好得 !!  

第二份 “廚師推介” ~

老闆強調最左邊的魚唔使點 wasabi, 但質感有啲得意, 其他的魚都好新鮮, 尤其是件貝類壽司, 好爽甜 !!



就係咁, total 4 份廚師推介 + 兩客麵豉湯 = 5990 yen

隊長 : “點解而家啲「早餐」一次貴過一次既 ……….. ??”

其實都 OK 喎, 用質量計返又唔係太貴, 所以各友團友下次埋單之前都唔使心慌慌 !!

食飽飽, 我哋出發去下一個 target !! 就係參加「大阪証券取引所見學」!!

坐返千日前線去 日本橋駅, 轉 堺筋線 去 北浜駅 ~



大阪城天守閣 既廣告 ~

 

哈哈, 終於嚟到 大阪証券取引所 ~

由隊長帶路先 !!

其實呢度係人哋返工既寫字樓 …….
 

我哋上咗 4/F, 然後位職員叫我哋上 5/F ~

登登登登 ……… 所謂 見學 就係响窗口望入去 !!  哈哈, 笑死喇 ……. 隊長仲特登嚟踩場 tim !!

隊長 : “睇下今日日經平均指數升定跌先 ……..”

就係咁, 呢個唔夠 5 分鐘就撤退既見學團咁就大功告成喇 !!

不過我哋都唔係特登嚟既, 我哋本身都係去中之島公園遊覽, 咪當順便上去望望囉 ~ 哈哈 ~
  

難波橋 ~



二等兵又做埋啲無聊嘢 ~



呢架 水上バス - アクアライナー (Aqua Liner) 外型好似好勁咁呢 ~

航程可以遊覽大半個大阪 !!

 

你哋兩個又忍唔住响啲咁 relax 既環境下錫錫喇…….

嘩 ~ 突然好似好好天咁 ~

 

隻龟龟好寫意咁响度曬太陽 ~

我哋嚟到 中之島公園 喇 ~

點解叫 “中之島” 呢, 係因為地形關係, 呢個地方好似俾條河圍住咁, 驟眼睇好似一個島咁, 就起名為 中之島囉 ~

好多小學生郊遊 ~

呢個公園都佈滿好靚既花朵, 加上天氣好舒服, 感覺好正吖 !!

又玩吓微距先 ~

hea 咗一陣, 就圍住個公園行個圈 ~

其實呢個區有啲似香港既中環, 附近好多辦公大樓, 亦有好多 “西裝友” 响度行過 ~

四圍都係花花, 好浪漫 ~

响度吃 lunch 環境好正呢 ~

原來呢個時計有名堂的 ~

唔知點解二等兵覺得呢啲樹好有聖誕 feel ~

見到啲花又忍唔住要影吓 ~

你睇佢哋啲相機幾 pro !!

遊完一個圈我哋都要撤退喇 !!

呢座 大阪市中央公会堂 好靚呀 !!

四圍都好綠色呀, 勁襯隊長 !!

有人响度寫生 tim ~



偷睇吓佢畫咗啲咩先 XDDD …



呢度真係超 relax ~

行行吓見到「大阪府立中之島図書館」呢 ~

諗住入去行個圈, 但點知原來要放低晒啲袋架, 我哋費是煩就無入去喇, 但响門口有印仔可以蓋架 !!

不過近睇間圖書館其實都幾舊 ga ~

連郵筒上面既設計都咁有型既 ~

四圍都係花花、樹樹、草草, 好靚呀 !!

行到嚟 淀屋橋 ~

又有啲好攪鬼既雕塑喇 !!

係時候要返心斎橋食 lunch 喇 !!

响 淀屋橋駅 坐 御堂筋線 返 心斎橋駅 ~