Day 4 Part 2 - 鞍馬 (Part 2), 貴船

今日行程 : 難波 (早餐 - 松屋) —> 鞍馬 —> 貴船 —> 祇園 (下午茶 - 茶寮都路里) —> 河原町 Shopping —> 二条城 —> Dinner - 馬鹿一代ラーメン —> JR 京都駅 —> 酒店休息 


繼續鞍馬的行程。

啲樹葉真是很翠綠呢 ~

又有小橋、又有流水, 又係謀殺菲林既好時機 !!

開頭呢段路都係平路多, 間中要上樓梯而已 ~

啲樹真係好高 !!

好少人, 好 free 呢 ~

呢個角度可以望返去比叡山 ~

來到了 鞍馬寺 (本殿) ~ 呢度稍為熱鬧 ~

竟然見到啲好靚既花呢 ~  唔知係咪櫻花 ??

正當我們研究緊呢棵花既時候, 有一對日本夫婦主動問我哋要不要幫我們拍合照 !!

佢哋真係好好人呀 !!



銀沙堆 ~

嚟到 木の根參道 ~

二等兵 : “隊長, 點解啲樹根咁得意會外露响地面既 ??”

隊長 : “其實係因為本身呢塊地係溶岩物質, 而啲溶岩硬到啲樹根抓唔到塊地, 於是樹根就外露出地面囉 ~”

二等兵 : “隊長你好叻呀 !!  “

隊長 : “使乜講 !!”

嚟到鞍馬寺魔王殿 ~

行到嚟最後呢段路, 開始好斜了, 上斜容易反而落斜難, 幸好旁邊有扶手可以借力, 大家要小心啲呀 !!

如果由貴船神社出發, 上呢段路都好辛苦呢 ~

終於行完整段路了 !! 原來在貴船神社入口可以借用 “行山棍” 呢 !!

行完整個行程, 人都輕鬆啲 ~ 於是四圍影吓相先 ~

呢度好靚呀 !!

相中見到既係「川床料理」~ 在咁靚既環境吃料理, 當然唔平啦 !!

雖然無吃到, 但影段片俾大家睇啦, 個感覺真係好正 ~

行到嚟 貴船神社 ~

赤い灯篭の参道, 真係靚到吖…….

繪馬發祥の社 ~

响呢度休息咗一陣 ~

"飲水思源" ~

神水 …. 勁呀 ……

原來容器要買 ga, 300 yen ~

今次來到京都, 發現好多 “老外” 呢 !!

本殿 ~

本來諗住用 WiFi 响 facebook 簽到呢, 但連極都連唔到線 ~

無聊影吓落在地上的樹葉先 ~

準備撤退了 ~

又影吓啲川床先 ~

真係有人响度食架, 真係識享受呢 !!

本來我哋諗緊點去返貴船口駅, 好彩見到有呢架京都バス (33 号巴士 - 貴船口駅 ⇔ 貴船, 160 yen) 咋 !! 如果唔係, 行去貴船口駅的話需時要 30 分鐘左右, 但其實我哋而家已經好攰喇, 絕對唔想再行 !!

架巴士好靚 ~

坐巴士只係用咗幾分鐘時間就到達 叡山電車 - 貴船口駅 喇 !!

 

好可愛呢 ~

我哋而家打算去祇園一帶 ~

响鞍馬都玩咗好耐呢, 我哋返到嚟 出町柳駅 都已經 15:15 pm 了 ~

响車站買份三文治同乳酪醫肚先 ~

之後坐 京阪本線 由 出町柳駅 去 祇園四条駅 ~