Day 6 Part 1 - 函館朝市 (早餐 - うにむらかみ)

今日行程 : 函館朝市 (早餐 - うにむらかみ) —> 摩周丸 —> 西波止場美術館 —> Lunch - 新函館ラーメン マメさん —> 二十間坂, 大三坂, 八幡坂 —> 西波止場, 金森赤レンガ倉庫, 明治館 —> 湯の川溫泉 (湯の川プリンスホテル渚亭 Check-In) —> Dinner - 湯の川プリンスホテル渚亭 —> Hotel 休息


噚日 check-in 後趕頭趕命, 夜晚返到嚟又黑媽媽睇唔到窗外景色, 於是今朝一起身就開晒啲窗簾, 欣賞下函館既風景先 ~


向前望就見到東橫イン 喇 !!  後面就係函館山 !!

函館朝市 ~

鬆鬆一起身話要浸紅葉浴 ~ haha ~
 

早餐都未食, 就攞返噚晚本來做宵夜, 但後尾瞓咗覺無食到既 Snaffle’s 朱古力 cheese cake (130 yen / 件) 出嚟先 !!
 

都幾好味啊 ~ 但之後食埋原味就覺得原味好食好多 !!



噚日响 Boni-moriya Supermarket 買既飲品 (98 yen), 今日拎埋响身先 ~

我哋再戰 函館朝市 !!  GO GO  GO !! 

呢間 (マルホク北海屋) 就係噚日買鱈場蟹既舖頭 ~
 

好喇, 向我哋函館朝市第二號目標人物 - うにむらかみ 進發 !!
 

門口位置養住啲好正既海鮮 !!

9:30 am 喇 …. 竟然可以包場 ……  所以感覺上今次嚟日本, 市道真係靜咗好多 ~

私隱度幾高 ~ hehe ~

叫咗兩個丼物 + 兩客燒物 ~   咁豐富, 唔講仲以為係午餐 tim, 哈哈哈 ~
 

二等兵食完噚日碗 “うに丼” 意猶未盡, 今日再戰 “うに丼” !!
 

スペシャル無添加生うに丼 (‎1680 yen, S size) ~ S size 真係好細碗, 不過如果當係早餐咁既份量都 OK ~

啲海膽真係好鮮甜呀 !!
 
 

隊長叫既 選べる二色丼 (1680 yen, S size) ~

海膽又正, 帆立貝又正, 問你點頂 !!
 

好正既 活ホッキのバ夕ー燒 (950 yen) ~  有牛油既香味, 正啊 ~

好好好好味既 活真ツプのつば燒風 (1260 yen) ~ 好食到停唔到口 !!
 
 

好得意 ~

咁樣就放低咗 5570 yen 喇 ……. 不過真係大滿足 !!
 
 

食飽飽我哋又四圍侵略吓先 ~ 

魷魚絲, 函館名物嚟 ga ~

  又見到薯仔喇 ~ 好想買啲返香港呀 !!

隊長 : “你唔好玩啦, 點拎返去 ?!”

經過昨天食 “墨魚汁 + 牛奶雪糕” 既店舖時,  門口又有燒帆立貝同燒鮑魚呀 !!

仲有  牛油焗薯仔 tim ~

唔得喇 !! 見到呢兩張嘢即時受唔住誘惑 ………

GO GO GO !!

牛油薯仔 (300 yen) ~ 啲薯仔真係好鬆軟, 加埋啲牛油味, 好正呀 !!

燒アワビ (1200 yen) ~ 百幾蚊港紙得幾粒, 好豪呀……… 但真係好好味 !! 

九孔鮑 XD ~

so far 嚟咗函館兩日, 但餐餐都大滿足 !!  

滿足哋再四圍逛吓先 ~

真係好多賣蟹既舖頭~






啲蟹仲好生猛 tim 呀 !!

逐隻秤, 價錢以唔同重量分類 ~



行吓行吓, 行咗去 いか釣りの函館朝市駅ニ市場 入面 ~

行到呢間店 - ハスカップショップ万里, 二等兵忍唔住停低睇睇 ~




見到好多唔同味道既糖呀 !!


夕張蜜瓜味、粟米味、牛奶油、昆布味、鹽味、薯仔味等等 ~


二等兵又忍唔住買咗好多排糖 ……. 到聽晚先發現原來
Boni-moriya Supermarket 裡面仲平啲 tim 呀 ~

(P.S. 食後評語, 夕張蜜瓜味好好味 , 粟米味同薯仔味都唔錯, 但係昆布同鹽味就好難食  )

啲糖真係好多款, 攪到二等兵眼花撩亂呀 !!

行到呢間店 - (有)成田商店, 忍唔住又停低睇吓 ~

因為隊長想買磯燒元貝呀 !! 買咗相中 2500 yen 嗰包 (右二嗰款), 店主自動減到 2000 yen 呀 ~ 呵呵 ~

  北海道限定既隊長呀 !!

仲有好多其他北海道限定既公仔 tim ~

雪地限定既 Hello Kitty, 好靚呀 ~

係時候返酒店 check-out 喇, check-out 完我哋寄存啲行李响酒店後又再出發, 晏啲先返嚟拎返 d 簡單既行李去溫泉酒店 !!