今次揀左去元朗, 點解 ?? 其實我地借郊遊為名 … 食野為實 lor …. =.=”
倒塔咁早黎到荃灣西鐵站 … 二等兵都仲好 d, 難為隊長要過海, 都可以 8:00 am 準時到達 !!!
不過你地唔好以為二等兵虐待佢呀, 查實係佢提議要咁早 ga !!! 
咁早, 仲要係假期, 個巴士站真係得小貓三兩隻 ~
各位團友, 我地要响如心廣場搭 51 號巴士, 我地計過 8:10 am 有車, 架車真係勁準時開出 ~~
沿途因為巴士上無顯示站名, 所以隊長行左出去睇路線表, 有位街坊勁好人, 見到隊長行左出去兩次, 就主動問佢在邊個站落, 到站果陣仲提我地落車 tim !!!
大約 25 mins 後 …. 我地到達甲龍村 (雷公田村) 喇 !!!
人影都無隻 ….. @@
巴士站旁有個專線小巴站, 我地陣間撤退時就會搭呢架專線小巴 (72 号) 落去元朗市中心 ~
好喇, 村姑二等兵出場 !!!!!!
防曬, 蚊怕水, 遮全部拎晒出黎 !!!
雖然二等兵鍾意陽光啫, 但唔代表我鍾意同陽光玩遊戲喎 !!!
沿住呢條路行入去 ~
見到甲龍村路指示路牌 ~
嘩 ~ 好耐未見過藍天喇 ~~
行行下會經過大欖郊野公園 ~
查實而家咁多任食的燒烤場, 呢 d 燒烤公園仲有無人黎 BBQ ga 呢 ??
引水道 ~
經過三個燒烤場, 一個公廁後, 我地差唔多到達我地既目標喇 !!!
侵略目標係乜 ?? 睇落去啦 !!!
唔好以為我地既目標係甲龍林徑, 我地路過架咋 !!!
我地都無侵略到生態園呀, kaka ~
好喇 !!! 終於黎到我地既 target 喇 !!!
咪就係農場鮮奶小食亭囉 !!!
兩碗餐蛋麵吖唔該 !!! ($20 / 碗)
唔係化 … 我地倒塔咁早黎到甲龍村 … 就係為左食人地兩碗餐蛋麵 ?? 仲要係貴到飛起果隻 !!
食入口明顯係出前一丁 ~ 而塊餐肉煎得好香脆 ~ 隻蛋都係半生熟 ~
唔使幾耐我地已經 KO 晒兩碗麵喇 ~
之後試下呢度出名既燉奶 ($14) & 芒果布甸 ($14) ~
可能因為碗燉奶係凍啦, 所以個面都起哂豆皮, 但內裡其實都幾滑的 ~
至於個芒果布甸 … 個人認為同自己整的無乜分別, 仲要貴到 $14 一碗 ……..
鬆鬆, 你仲乜厘埋响堆大蕉之中 ??? 唔通你想吔蕉 ??
食完早餐後, 我地行出去搵羊 ~ 不過可能天氣太熱喇, 隻羊响度避暑 ~
於是就影下棵龍眼樹啦 ~~
沒有留言:
張貼留言