意粉屋 @ 葵芳

二等兵以前都幾鍾意去意粉屋 ga, 但因為隊長食呢 d 西餐會食唔飽既關係, 所以我地都好少去意粉屋, 免得要食兩餐吖嘛 ~ 

因為生日月既關係, 意粉屋早前寄左張 coupon 俾二等兵, 二等兵見近期有個檸檬汁意粉都幾想試, 於是就掹住隊長黎到意粉屋喇 ~

呢張真係陳年 member card, 原來已經換左新款二等兵都唔知 ~

呢個 Summer Menu 好似幾吸引 bor ~

晏晝游完水, 好肚餓呀 !!!!! 嗱嗱臨叫野食先 !!!

呢個係每次必叫既芝士焗茄子 ($33)

食之前隊長問 : “究竟有咩好食呢 ??”

二等兵 : “好好味架,  食過你就知 !!!”

隊長 : “但睇佢個樣真係唔覺得好味 wor !!!”

睇黎隊長仲未知呢個係好野, 二等兵唔理佢喇, 大啖大啖咁食, 點知隊長食左一啖, 就同二等兵爭住食喇 !!!

個芝士醬真係勁好味, 但亦都勁 heavy …. 今日游左 25 個塘又已經白費心機喇, 呢個時候二等兵又發揮自我安慰既精神 : “算啦, 有游到都好過無游既 ……”

今晚廚師推介既南方雞翼 ($38) ~

有 6 隻, 都算多喇 ~ 加埋呢個茄汁, 都幾好味 ~

每次二等兵要用叉食雞翼真係覺得好 “論盡”, 隊長見二等兵成個 “大填鴨” (論論盡盡) 咁, 於是佢就幫二等兵起骨吖 ~

勁呀, 話咁快就可以起到兩條骨喇 !!!

呢個係 Summer Menu 限定既 “香煎帶子檸檬汁意大利粉” ($78) ~

查實二等兵就係响地鐵見到個廣告有好多個檸檬好吸引, 就俾佢吸左黎意粉屋喇 !!!

不過可惜檸檬味唔多, 而整體上都唔係太好味 ~

真係 order 每次黎到必叫既芝士肉醬寬條麵好食好多呀 !!!

隊長點名叫既 “芝士焗卡邦拿意大利粉” ($82)

好重芝士味, 又 creamy, 正 !!!

Total : $196 (已 25% off)

其實响意粉屋食嘢都有質素既保證, 加上環境舒適, 整體感覺唔錯 ~

好, 食完呢餐, 隊長仲要去萌記食多碗牛腩河 + 油菜 tim !!!