Keroro and Tamama : Hea 遊珠海

話說呢 .. 二等兵就黎生日既時候, 隊長就諗節目啦 ~

咁啱, 今年生日係星期六、日, 咁我地就自自然然諗 d 兩日一夜既節目喇 !!

兩日一夜可以去邊呢, 都係近近地既澳門, 大陸 (e.g. 深圳, 廣州, 番禺, 珠海 etc …)

前年二等兵生日就去番禺, 上年生日就去過廣州喇 (點解二等兵生日只有返祖國, 而隊長生日可以去日本 ga … 唔公平吖

) !! 本來有諗過去深圳東部華僑城 ga, 但睇過 d package 真係唔平囉 ….. 於是就決定去珠海喇 !! 好多人都係珠海 + 澳門咁玩, 點解我地齋去珠海呢 ?? 因為我地都去過幾次澳門, 差唔多成個澳門都遊勻咁濟, 結論係大家都唔想去澳門, 所以我地就 hea hea 地遊珠海算喇 ~~

其實前排仲做緊世界盃, 二等兵都慶幸生日前後已經過晒世界盃決賽, 啱啱完左世界盃, 隊長先開始編行程, 好彩今次珠海遊純粹係食同 hea, 所謂既編行程主要係睇下 d 巴士路線同睇下去邊度玩, 所以隊長今次勁快就攪掂晒呢個短 trip ~

我地之前格定價, 响油麻地旅遊 book 船飛好抵呀 !! HK$610 (2 人來回), 如果在珠江客運或中旅社買船飛, 正價要 HK$178 / 人 (HK to 珠海) 及 HK$175 / 人 (珠海 to HK), 兩個人來回即係 HK$706 ga, 而家平左成 HK$96, 不過我地呢 d 特價飛就無咁彈性囉 ~ 要預早去指定地點取飛, 又無得揀位, 不過好彩二等兵响上環返工, 行去信德換飛, 15 mins 內已經攪掂 !!!

唔使返工既日子, 二等兵都要黎到上環搭船呀, 真係就黎 “上環是我家” 喇 ~

好, 朝早同隊長响大家樂食左個早餐後, 我地就準備入閘喇 !!

買左 8:40 am 船飛, 船公司話要半小時前到達, 我地好準時呀 !!

唔係化 ?? 氣溫顯示 25’C, 打 “屎” 都唔信囉, 肯定有 30’C …

入閘喇 ~

早兩日先打完風, 開頭好驚掃興呀 ….. 好彩康森遠離我地, 天色好藍呀 ~~

隊長 : “各位團友, 我地向呢個方向行 ~”

二等兵 : “等埋我呀 …”

我地向 9 號閘口進發 !!!

沿途我地見到一大班日本人, 拎住高爾夫球棒準備出發往珠海打 golf ~

時間尚早, 我地响候船區睇下報紙先 ~

等船既期間無聊地週圍影下相 ~

可以上船喇 ~

使唔使急到 “速入閘” 吖 ~?!

隊長就係率領呢艘戰船侵略珠海喇 !!

嘩, 一上船即時落起暴雨黎 …. d 浪大到 … 架船勁拋, 途中直情有此起彼落既尖叫聲呀 !!!

坐完呢艘戰船, 二等兵簡直成個虛脫咁濟 …

1 hr 10 mins 後 ……..

終於到左珠海喇 !!!

一出關口, 嘩 … 架的士又黃又綠咁, 咁襯隊長既 ~

二等兵 : “隊長, 呢架係唔係你架戰車呀 ??”

我地首先要到拱北關閘附近既酒店 check in 先, 根據資料顯示, 憑船票可以免費坐穿梭巴士到拱北關閘, 咁我地就根據呢個旅客指南搵啦 ….

但係無一個指示係啱架囉 … 於是隊長就差遣二等兵去問路喇 …

原來係要入返去出境大堂裡面, 再行去候車區 ga, 真係信佢地 d 指示都 “屎” 得 ….

都好, 呢度可以涼住冷氣, 坐住响度等車 ~

佢哋既時間係每逢 20, 50 分一班車, 即係半個鐘一班 ~

望望錶, 都好彩喇, 仲有 10 mins 開車 ~

憑船票先免費 ga ~

好多人都坐免費巴士去海泉灣渡假村, 而我地呢班往拱北口岸就無乜人坐, 所以秩序大致良好 ~

頭先一上船就落暴雨, 黎到珠海又幾好天 bor ~

大約 10 mins 車程, 我地黎到拱北口岸喇, 其實係一條大直路既車程 ~

巴士站隔離就係酒店喇, 勁方便呀 !! 樓下有 KFC, 仲要係 24 hrs 營業 tim, 不過好彩夜晚酒店房間都算幾靜 ~

隊長响網上 book 既永通酒店, 勁抵, RMB 240 一晚 ~

P.S. 訂房網 : http://www.zhdingfang.com/index.html

10:30 am 左右已經可以 check in 喇, 我地梗係即時攞房啦 ~

不如睇下間酒店先 ~

企缸一個, 另外, 基本用品 e.g. 牙刷, 浴帽, 風筒等等都有, 設備齊全 ~

房間都幾大呀, 標準大陸酒店房間 size lor ~

竟然有 4 個枕頭, 方便 “挨” 响度睇電視 !!

各樣野都算乾淨企理, 不過個水機隊長同二等兵由始至終都無掂過 ~

仲有一樣野要勁讚, 就係冷氣同雪柜超夠凍, 夜晚瞓得好舒服 !!

窗外景色 ~ 對住拱北口岸 ~

我地响酒店梳洗完, hea 下就出發喇 !!

第一站我地黎到拱北口岸, 去澳門就係經呢個關口喇 ~

其實年幾前我地去澳門, 都有嚟過呢個關口, 不過上次無過嚟珠海呢面, 只係响澳門關口拍個照就走喇 ~

鄧小平提字既 “珠海經濟特區好” ~

呢兩個 logo 係印响地下 ~ 地磚都要嚟賣廣告 ~~

來, 我們起來唱支國歌先 !!!

出面熱到溶喇, 响地面影幾張相就返落拱北口岸廣場地下街行下喇 !!!

采蝶軒 ?? 金鐘果間 ?? 非也 !!

隊長話呢間采蝶軒响珠海好出名 ga ~

隊長古古惑惑咁, 原來想買個生日蛋糕俾二等兵 ~

起初, 二等兵都對 “國產生日蛋糕” 無興趣 ga, 但入去行左個圈睇下, 個樣幾靚咁 bor ~

而家國產蛋糕既款式真係進步不少, 未食過唔知味道啦, 至少個樣都見得人 ~

其實二等兵睇中咗呢個 “法式芝士批” (RMB 17) ~

同埋呢個特濃芝士餅 (RMB 15), 之但係一個 cake 實在太多喇, 好食就話啫, 唔好食咁點算 ??

所以後尾就買左下面呢件特濃藍莓芝士餅 (RMB 7) ~

再繼續周圍 shopping 吓先 … 但發現呢度賣 d 衫唔標價不特止, 就算議價後既價錢都仲貴過 HK 及深圳既價格 .. 突然覺得珠海既物價好高吖 !!

又到食飯時間喇, 呢間竹苑係隊長既 target 之一 ~

本來話呢個地下商場有 3 間分店, 我地一心諗住搵正店, 但係無奈地, 指示牌又唔清晰, 地方又大到嘔, 所以我地去左呢間新開既分店, 點知都算錯有錯著喇, 後尾當我地見到正店多人到無地方坐, 又熱又無冷氣既時候, 都好滿意我地幫襯既呢間分店吖 ~

主打咖喱魚蛋 ~

除左咖喱魚蛋外, 仲有各類串燒, 最平係 RMB 1.5, 最貴係 RMB 5.5 ~

呢面係新區域, 人流唔多, 而呢間店相信都係新開舖的, 隊長又包場喇 !!!

偷影哥哥响度煮粉俾我地食 ~

二等兵叫既咖喱排骨米 (RMB 11) ~

好彩咖喱唔太辣, 又幾有咖喱味吖, 排骨都入晒味, 又夠稔, 好味 !!

隊長 order 佢既招牌菜 - 咖喱魚蛋麵 (RMB 11) ~

魚蛋有 10 粒, 好味過四海魚蛋喎, 彈牙唔多粉 ~ 整體兩碗都好好味 !!

食完咖喱梗係想飲野啦, 本來我地想揾 d 類似果汁既飲品, 但呢度好似好興飲沙冰咁, 我地對沙冰無興趣喎 …

呢間 COMEBUY 响正當眼處, 其實都無諗過响度買黎飲, 事關响 HK 都無幫襯過, 無啦啦响大陸買黎飲 ?? 但無奈地行左成層, 除左 7-11 外, 其他飲品舖都唔吸引, 於是唔想繼續四圍搵就買杯試吓喇 ~