又再侵略小肥羊 @ 燕南路店

嘻嘻, 今日大熱天時, 我地竟然走黎小肥羊打邊邊 !!!

好彩今日在大陸唔係公眾假期, 我地 18:30 pm 黎到都大把位揀, 所以揀左個對住冷氣既位坐 ~

又有返呢個清涼鍋湯底喇 !!! 上次食過都幾好味, 加上今日又有 promotion, 所以今次照揀返呢個湯底 ~~

RMB 98, 包括 : 清涼鍋湯底, 啤酒羔羊肉, 鮮蔬組合 (3 款), 雪碧免費無限飲 ~

RMB 98 黎講真係好鬼抵 !!!

仲送世界盃款式既咕0臣一個 ~

呢個清涼鍋湯底真係入口清涼 ~

蔬菜組合都幾大堆頭, 最衰係無得揀要咩菜啦 !!!

呢個就係啤酒羔羊肉, 服務員送來先倒 d 啤酒落 d 羊肉度 ~

估唔到啖啖肉, 幾好味喎, 美中不足係有 d 肉有筋 ~

散叫既精品肥牛 (RMB 30), 好味吖 !!!

散叫既炸腐竹半份 (RMB 6 / 半份) ~ 好似小肥牛一卷卷既炸腐竹好食 d ~

散叫既烤羊肉串 (RMB 3 / 串) ~ 好鍾意佢既香草味 ~~

食到呢度二等兵本來想再叫墨魚滑同黃金大餅, 點知隊長話已經好飽, 真係估佢唔到 !!! 佢話因為頭先响 Jelly K 食到好飽, 所以打左底, 而家已經食唔落, 咁由佢啦, 所以今日埋單勁平 !!!

Total : RMB 144

其實深圳小肥羊幾有品質既保證, 又平平地, 服務又好 ~

我地食完真係成身羊酥味 !!!