今日隊長揀左珠海市博物館附近既 哈布斯扒房 鋸扒 ~
隊長平時同二等兵影相就黏實晒, 點解同鬆鬆影相就企到 “離行離喇” 架 ??
補影既相, 我地就係坐响隊長望住既位置喇 ~
門口有隻吉祥象 ~ 有 d 泰國 feel ~~
望望街外, 外面泊滿車, 出面又陽光充足, 但我地呢度既冷氣都幾夠凍呀 ~~
話時話, 黎咗珠海兩日, 發覺呢度商場既冷氣都幾夠凍, 凍既程度係勁過深圳果 d ~
由於時間尚早, 所以店內只得幾枱客人, 靜靜地幾好呀 ~
呢間扒房都幾高級 ga, 除左紙巾印有餐廳 logo 外, 呢度仲要加一 ga !!!
睇完 menu, 我地決定散叫 !!!
叫左一個餐湯, 但都有兩個餐包 ~
好攪笑, 左邊既竟然係菠蘿包 !! 點解食西餐會有菠蘿包既 ??
餐飽都幾夠熱, 又軟熟 ~
酥皮龍蝦湯 (RMB 38) ~
隊長好鍾意食酥皮既物體 ga ~
整體上 OK 啦, 略嫌個湯唔夠 creamy ~
呢個係隊長叫既 “三 A 骨扒” 跟飯配黑椒汁 (RMB 78)
三 A 骨扒即係指 牛扒, 羊扒 & 豬扒 ~
隊長 : “黑椒汁夠辣, 正 !!! 等我將 d 汁撈飯先, 一流呀 !!!”
三種 A 骨扒都夠滑, 夠肉味, 唔錯 !!!
鬆鬆 : “隊長呢個飯桶又出場喇 …. 之但係呢碟飯既份量好似唔夠佢食飽喎 ?!”
二等兵就睇中呢客 “果木燒極佳級厚切誘惑骨配意粉” (RMB 98) (救命呀 ….. 個名好似改到好勁咁 …)
menu 上注明係 16 oz ~
不如大家 focus 去左上角既隊長, 你睇佢幾咁為食 ~
好香煙薰味呀, 肉質都幾好呀 ~
不過呢客意粉就麻麻地喇, 問題响個茄汁度 ~
鬆鬆 : “睇個樣唔多掂咁喎 ….”
Total : RMB 235 (已包加一)
個人認為响大陸食呢餐好貴呀, 不過隊長話, 今日二等兵生日, 所以食豪 d, hehe ~
不過二等兵硬係覺得, 珠海既物價好高, d 人既消費力都好強勁 …..
食完飯都日落西山喇, 望返去對面頭先侵略完既 “珠海市博物館已經閉館了 ~
我地坐返 26 号巴士返去九洲港先 ~
隊長 : “各位團友返 HK 呢面呀 !!!”
二等兵 : “隊長, 等埋我呀, 唔好賴低我响珠海呀 ….. ))))))”
半小時前入閘, 我地好準時呀 !!
回程呢架船好定, 仲瞓得好舒服 tim ~
Hea 遊珠海 2D1N 無咩玩過之旅圓滿結束, 歡迎各位團友參與 !!!
沒有留言:
張貼留言