爽爽麵店 @ 元朗

今日二等兵有要事要到元朗一趟, 作為二等兵支盲公竹既隊長, 當然要帶隊一齊黎元朗啦 !!!

黎到元朗咁遠水路, 我地梗係睇下附近有咩好食啦 !!! 俾隊長响網上搵到呢間小店 - 爽爽麵店 !!!

嘩, 黎到接近兩點, 外面 36’C 高溫, 都有一大堆人响門口等位 !!!

我地唔理喇, 攞左飛先, 好彩有一班人走左, 入左大部份既人, 我地都只係等左 10 mins 就有位喇 !!!

好熱呀, 叫支菊花茶 ($15/支) 涼下身先 !!!

難得黎到, 梗係要試晒呢度兩個招牌菜啦 !!!

醉雞湯米 ($28) ~

好多時出去食既醉雞, d 雞都係勁唔入味, 只係靠個醉雞汁先有味, 但呢度既醉雞係好入味 ga ~ 唔係得個咸字, 而係入晒醉酒雞汁既味 ~!!! 好正 !!!

而 d 醉雞汁食落似係自己調配果種, 所以整體上係好好味的 ~

仲有呀, 有二等兵至愛既雞腎呀 !!! 太好喇 !!!

另一樣招牌菜係豬扒 ~

隊長叫左個豬扒撈麵 ($26) ~

二等兵略嫌豬扒乾左 d, 但隊長呢個食肉獸話好 good 呀 !!! 配埋辣椒油仲正 ~

Total : $69

不枉我地遠道而來揀中佢 !!!