下午食左好少野就走去游水, 仲要游左 25 個塘, 本來諗住夜晚食得清淡 d, 點知隊長嗌晒肚餓咁, 於是佢話想黎新樂酒店食扒 !!!
查實我地已經有一年未黎過喇, 今日搭 lift 上黎果陣, 見到寫住有 8 折, 實在太好喇 !!!
佢呢度係食 semi-buffet 既 ~ 即係叫左個 main course 後, 可以任食出面的沙律 bar 及甜品 ~
查實我地並唔係特別鍾意食佢個 salad bar, 鍾意黎呢度因為佢個 main course 都幾有水準, 同埋 d service 都好好 ~
好喇, 不如睇下個 salad bar 有咩食先 ~
又查實 … 呢度既 salad bar 真係十年如一日咁滯, 皆因我地成年未黎過, d 款都係無變過 ga ~
冷麵配沙嗲芝麻醬 ~ 配料有雞蛋絲, 生菜絲, 火腿絲, 蟹柳絲, 甘荀絲, 青椒絲 ~
呢個就係配冷麵的沙嗲芝麻醬, 都幾好味的 ~
菜心 ~
烘蒜蓉多士, 夠牛油味, 正 ~
沙律類 ~
雞翼尖, 車厘茄, 生菜 for 撈沙律醬 ~
仲有粟米, 青瓜魷魚沙律 ~
同埋螺絲粉沙律, 咖喱薯仔沙律 ~
蘋果沙律 & 鮮果 ~
甜品類 ~
涼粉, 糯米糍 & 啫喱糖 ~
馬荳糕 ~
酥皮香蕉卷 ~
綠茶卷蛋糕, 雲石蛋糕 & 泡芙 ~
响二等兵好努力咁影緊相既時候, 隊長已經餓到急不及待要攞野食喇 !!!
呢幾樣都唔錯 ~
二等兵勁鍾意食佢個多士同螺絲粉沙律 ~ 而蘋果沙律就覺得酸左 d ~
西湯係周打蜆湯, 中湯係冬瓜冬菇甘荀煲雞 ~
先讚下兩個湯都好夠熱 !!!
西湯都算唔錯, 唔似豆粉水, 而中湯就好媽媽 feel, 隊長今晚飲左好多碗 !!
隊長 encore 既食物 ~
二等兵都幾鍾意食呢個冷麵 ~
又飲多碗湯喇 =.=”
食左兩轉 salad bar, 都係時候食個 main course 喇 !!!
隊長揀左呢個 “特級 T 骨扒” ($158) ~
真係成條 T 骨吖 …
但今晚呢塊 T 骨扒好似好多筋 ~ 比較失色了 ~
墊底既係幾塊我地食唔出既蔬菜, 開頭以為係薯仔, 但入口就肯定唔係 ….
隊長 order 咗 5 成熟 ~
二等兵就 order 左呢個三色豆焗南瓜雲吞 ($98) ~
雲吞有 5 隻, 上面的芝士好好味呀, 個汁都好好味, 而個雲吞裡面就係南瓜蓉, 整體上都唔錯 !!!
食完 main course 再出去兜個圈先 ~
攞左呢碗羅漢果西洋菜蜜, 甜甜地, 啱晒隊長呢 d 好甜之人 ~
等左成晚既牛角包呀 !!!!!
我地等左好耐喇 !!! 終於俾隊長攞到 !!!
又 encore 既中湯 !!!
呵呵, 令人回味既熱香餅 ~ 個 counter 有專人為你服務 ga !!!
加 d 煉奶, 加 d 花生醬 ~
二等兵就鍾意加球雪糕响面, 好正呀 !!!!
隊長又黎喇 …….. 攞左件三色熱香餅再加 d 芝麻 & 糖先 !!!
仲有呢幾件 cake …. 隊長話要試下呢度既啫喱糖同馬荳糕, 同二等兵整果 d 比較下wor … @@
我地呢 d 唔怕貨比貨, 至怕唔識貨, 呵呵 ~
食過佢就知邊 d 係好野啦, kaka ~
呢個時候佢仲食得落咁多野 …..
二等兵再黎多球雪糕熱香餅先, 話時話個朱古力雪糕好好味, 有朱古力碎架 !!!
又 … 又 … 又 … 黎 …… =.=”
除左朱古力雪糕外, 仲有紅豆雪糕 ~
呢個時候要飲杯熱檸水消化下先, 都係任飲既 ~ 不過飲野既話, 二等兵一杯就夠喇 ~
隊長呢杯奶茶勁唔掂, 茶既問題 ~
佢 … 佢 … 佢 … 仲可以食多球紅豆雪糕同三色熱香餅 ……. @@
唔止 … 仲可以容納到多一碗中湯同一杯熱紅茶 ……. 究竟佢有幾多個胃 ga ??
Total : $225.3
頭先已經知道埋單有 8 折, 但我地開頭估計加一以原價計算, 點知埋單時有驚喜, 皆因加一都會打折, 今時今日好少地方加一唔係計正價喇 ~
沒有留言:
張貼留言