馬荳糕

二等兵見隊長上次竟然食新樂酒店既馬荳糕, 俾佢既激脹法激脹左既二等兵, 於是即刻整 d 馬荳糕俾佢食, 等佢知道咩叫做好食呀 !!!

呢個甜品係二等兵初初學整甜品入面既其中一樣, 所以話係幾咁容易整 ~

煲稔 d 馬荳先 ~ 嘩, 又煲又焗起碼用左成半個鐘 d 馬荳先稔 !!!

隔下 d 水 ~

今次將個分量 double 左, 一罐椰汁就剛剛好 ~

高鈣 “低 B” 既鮮奶 ~

鷹粟粉水 ~

首先煲溶 d 糖先 ~

然後加入椰汁 & 鮮奶 ~

微滾就要加鷹粟粉水 ~

滾到咁上下就熄火, 加入馬荳, 再拌勻 ~

放入模喇 ~

Total 整左兩盒, 一盒自己食, 一盒俾隊長 ~

滑滑溜 ~

今次隻鬆鬆碟靚 d 喇掛, 呵呵 XD !!

好味 ~~

—————————————————————————————————————-
食譜 - 馬荳糕



材料 :


鷹粟粉 1/2 量杯


幼沙糖 1/2 量杯


馬荳 1/4 量杯


鮮奶 1/4 量杯


椰汁 1/3 量杯


清水 2 量杯




做法 :




1)     先將馬荳洗淨, 然後隨凍水放入煲內煮稔, 盛於篩中留用。


2)     用半量杯清水把鷹粟粉調勻。


3)     把砂糖和 1/2 量杯清水煮至大滾, 隨即加入鮮奶和椰汁, 待其開始滾時, 加入調勻的鷹粟粉水, 除除攪拌, 用中慢水煮至滾為止。 (煮鷹粟粉時間約需 2 分鐘)。


4)     離火後加入馬荳並攪勻之。


5)     把糕糊倒入已濕的糕盆中, 涼郤後即可放進雪柜內雪凍便成香滑美味之馬荳糕。