Keroro and Tamama : Day 2 Part 3

今日行程 : 大阪城公園 —> 天守閣 —> NHK 大阪放送會館 —> 心齋橋 Lunch (自由軒) —> 明石海峡大橋 —> かに道樂 (Dinner) —> 道頓崛 (睇夜景) —> Hotel 休息

頭先响 Hotel 放低晒 d 書後, 叉好電, 我地又出發喇 !!!

隊長一直都好鍾意睇橋的物體, 覺得一條橋簡直係一項偉大的建築項目, 貴為世界上最長的明石海峽大橋, 隊長又點會錯過侵略機會呢 !!! 所以因應領隊 (隊長) 的喜好, 今日我地準備侵略明石海峽大橋 ~

我地先到 JR 大阪駅 5, 6 號月台 (明石方面) ~

由於路程都頗遙遠, 好彩 15:20 pm 有 “快速” 車~ 不過都坐左接近 50 mins, 二等兵梗係趁呢個時候眠一眠先 ~~

月台上有分唔同路線就响唔同位置排隊 ~~

揀好舒適位置, 飲杯鬆鬆士多啤梨飲品, 看看窗外風景, 二等兵已經 ZZZzzzzzzzzz

50 mins 後, 隊長拍醒二等兵 : “到喇, 起身喇 !!!”

各位團友記住係搭到去舞子駅落車, 唔好坐到去明石駅吖 ~~

到達舞子駅已經 4:10 pm 了, 時間都剛好, 我地都想在明石海峽大橋下睇黃昏 ~

呢度好少人, 只係有少許旅行團 ~

睇下地圖先 ~ 其實呢度有 3 間博物館,分別係 :

舞子海上プロムナード (300 yen) (9:30 am - 18:00 pm)

橋の科学館 (Mon 休息) (300 yen) (9:15 am - 17:00 pm)

移情閣 - 孫文記念館 (Mon 休息) (300yen) (10:00 am - 17:00 pm)

3 館 pass 720 yen, 所以要入晒 3 個館, 買 pass 先有 “so” ~

因為孫文記念館於 5:00 pm 閉館, 估計都無時間遊覽晒 3 個博物館, 所以我地無買 pass ~

好快就見到目標喇 !!! wow 條橋真係好壯觀 !!!

睇吓條橋躉幾咁巨形 !!!

呢個係真實主鋼纜的橫切面, 由好多條鋼纜再組成一條大鋼纜 !!!

睇埋佢既小檔案 ~~

再行近 d 睇下 ~~

行近 d 行近 d ~~

由橋的底部望上去, 好宏偉吖 !!!

好喇, 趁未閉館入左橋の科学館先 !!!

橋の科学館主要介紹大橋既歷史背景, 細緻到連興建明石海峽大橋之技術, 橋之上, 下部工程, 保安技術等等都一一詳細解釋 !!!

介紹大橋位置不同類型的石層 !!

混型土的素材 ~~

主鋼纜就是用很多條細少的鋼纜組成 ~~ 呢條鋼纜係 1:1 ga ~

以模型來解釋的活動教學法 ~~

呢度都可以蓋印仔ga ~

博物館的天花板位置有一條橋的模型 ga ~

日皇都有來主持橋既啟用儀式, 可想而之興建這條明石海峽大橋受到高度重視 !!!

大約半小時候後, 我地去侵略下一個展館 — 舞子海上プロムナード, 呢個館好好玩 ga, 點吸引法, 睇落去 ~~

我地首先搭 lift 到 8/F (lift 只到 8/F 一層咋 !!!), 行出去就係 “遊歩道” 吖 !!!

日本人真係好細心, 建橋時除了興建行車道外, 還在下層興建行人道 (遊歩道), 好讓遊客可以親身感受一下壯觀既景象 !!!

可以响條橋上行走個感覺實在好正 !!!

可以眺望遠處的移情閣 - 孫文記念館 ~~

剛才在心齋橋天很藍, 但黎到呢度就陰天, 望不到 “咸蛋黃” (日落) tim ~ 不過個感覺一樣咁正 ~~

由這條行人天橋望下去就是大海了 ~ 外面的溫度好凍, 亦好大風, 開頭以為上到這裡會再凍些, 但上到行人道反而無乜風亦唔覺好凍 ~

行到中段, 有間 cafe shop (舞子 Toms cafe), 俾遊人可以一路飲嘢, 一路欣賞明石海峡既景色 ~~
本來打算等到天黑睇下著了燈的明石大橋, 但等到 6:30 pm 天還沒有黑齊, 所以無等到全黑就撤退了, 唯有看看這幅圖啦 ~~~

大橋既纪念品 ~~

wow, 過咗 cafe shop, 仲有一少段遊歩道, 這個位置仲更加震撼 !!! 有一段路是用透明玻璃興建的, 望下面就見到大海喇, 本來比起澳門的觀光塔黎講, 這裡只是 8/F 濕濕碎, 但當正在透明玻璃行走時遇到上層有車輛駛過時震下震下咁, 個感覺就更加震撼 ~

不過, 畏高的團友請放心, 日本人咁細心又點會淨係得一幅透明玻璃的路呢 ~~ 中間位置有一塊木板, 等畏高的朋友可以行呢塊木板就唔會驚啦 ~~~