黎到第二日京都既行程喇, 今日既活動簡直係成個 trip 既高潮 !!!!
除左朝早見到尋晚落既雪外, 又見到成條哲學之道佈滿滿開既櫻花 !!! 加上今日去左好多世界遺產吖, 影相影到癲晒, 行路又行到癲晒 ~~ @@
好喇, 各位團友我地起程喇 !!!!! GO GO GO ……
呢 d 咪係尋日漏低响 “九州らーめん亀王” 既早餐囉 …
食飽飽又出發喇, 我地去返尋日黎過既京都駅先 ~
黎到京都駅後, 再轉山陰本線 (嵯峨野線) 到 JR 馬堀駅, 準備乘搭嵯峨野小火車 ~~
我地乘搭 8:26 am 既普通列車到 JR 馬堀駅 ~~
咦, 今日行去山陰本線果邊先見到有得蓋印仔 !!!
沿途風光 ~~~
當二等兵在車上瞓到成隻豬咁既時候, 隊長突然拍醒二等兵 : “你望下 !!!!!!”
嘩 ~~~ d 樹同路軌舖滿雪, 好靚吖 ~~~~~~~~
二等兵即刻醒哂喇 !!!!!!!
响車度已經不停影低窗外既景色喇 !!!
坐左 8 個駅已經到馬崛, 我地要落車喇 !!!
因為呢個站可以行去 嵯峨野觀光鐵道 ~
一落車見到張凳舖滿雪又要影一餐 ~
指示牌好清晰, 徒步 10 mins 就到達トロッコ 亀岡駅喇 !!!
二等兵 : “仲有地圖 tim, 唔驚會行錯啦 ~~”
隊長心諗 : “正常人就唔會行錯, 但二等兵就好難講喇 !!”
好野, 今日好好天吖 ~~
响步行往トロッコ 亀岡駅途中, 見到 d 小斜坡舖滿雪呀 !!!!!!!!!
呢個時候 “影相怪” 又出場喇 !!!!!!!
斜坡影一餐, 雪地影一餐, 雪球又影一餐, 風景又影一餐 ……………
二等兵仲無聊到係咁响度搓雪球擲黎擲去, kakakaka ~~~
如是者, 一段本來只需要行幾分鐘既路程, 足足用左 10 幾分鐘 ………
又如是者, 今日第一個景點都未到, 黎到呢度相機舊電已經得返一格 ……
仲有 400 m ~~
一黎到呢條路又影左好多張相吖 !!!!
d 樹真係好靚吖 ~~
連個 farm 既名牌都有雪响上面 !!! 睇黎尋晚 d 雪都唔細喎 !!!
隊長 : “umm, 二等兵, 我地黎到富良野農田喇 !!! 又睇左雪, 咁唔使去北海道喇 !!!”
二等兵 : “
d 花好靚呀 !!!!!!
咦 ?? 隊長, 你哩响度又做保護顏色呀 ???
一段唔使 10 mins 既路程, 我地花左十幾廿分鐘終於黎到喇 !!!!!!
呢面個山仲勁, 舖滿晒雪 ~
好喇, 要上月台喇, 架小火車唔等人 ga ~
上月台之前睇下觀光案內先 ~
响月台既案內所見到有一大堆鬆鬆既產品賣 ~~
哈哈 … 鬆鬆 KitKat ~~
仲有隊長期間限定既產品 ga ~~
駅內月台仲可以蓋印仔 ga ~
呢 d 特別觀光列車既印仔特別靚 tim ~
行出去月台先 ~
d 狸貓舖上白雪, 你地凍唔凍吖 ??
トロッコ 亀岡駅 ~~
歡迎大家黎到乘塔嵯峨野小火車 ~~
我地坐既 1 號車卡响果面吖 ~
車來了 ~
因網友的溫馨提示, トロッコ 亀岡 —>トロッコ 嵐山, 左邊有較多靚既風景睇, 所以我地買飛時都買了左邊 ~ 兩個位都係近窗口位置 ~
開車喇 !!!
車長先生同我地揮手吖 : “さようなら ….. Sayonara ~~~”
隊長 : “車長响車外面, 咁邊個揸車呀 ???”
其實班車唔滿坐, 有一團旅行團坐左一陣後, 行左去較前既車卡 tim ….
沿途風光 ~~~
好靚呀 ……. 好靚呀 ~~~~~~
本來係黎睇櫻花樹, 而家變左黎睇 “雪樹” 吖 ~~~
其實我地事後先知, 原來我地好好彩, 因為第二日 (31/3) 已經無雪睇喇 !!!!! 咁啱係因為尋晚落完雪, 今日先會見到呢個情景 ~~~
呢個站 (トロッコ 保津峽) 地上舖滿雪呀 !!!!!
輪到右邊先有較靚的風景睇了 ~~
[youtube http://www.youtube.com/watch?v=TUAE8XVD7nE&hl=zh_TW&fs=1&]
原來呢度有人住 ga ??
大約 20 分鐘就到トロッコ 嵐山駅喇 !!! 駅內月台好短架咋, 所以响車尾既我地, 埋站時停在隧道內 ~~
落車後, 望返第 5 號車卡是露天的, 本來我地都有諗過坐這個車卡, 但可惜 5 號車卡係要當日即場買飛 ga, 所以我地都擔心即場會無飛賣, 所以都係預早買返其他車卡既飛喇 ~
不過都好慶幸, 因為今日實在太凍喇, 如果坐露天車卡, 可能會凍到疆喇 !!!
呢個時候 “影相怪” 梗係要响月台留倩影啦, kakaka ……
你睇個月台好短架咋 ~~~
站內既宣傳廣告 ~~
仲有週邊風景既模型 tim ~
如果紅葉季節一定都會好靚吖 ~~~
又蓋下印仔先 ~
呢度位處郊區, 連站內既建築風格都好純樸 ~
下回 : Day 5 Part 2
沒有留言:
張貼留言