食完炸牛肉薯餅向前行多陣, 話咁快就到 渡月橋 喇 !!!
條橋係木橋黎 ga, 幾有古典色彩 ~~
咁啱碰見一對新人影結婚相 ~~ 佢地 d 禮服係白色 ga ~
呢度好靚吖 !!!!!
四週圍景色怡人, 風光明媚, 加上佢既歷史背景, 難怪 桂川 會成為國家一級河川啦 !!!
從遠處已經見到一堆櫻花樹喇 ~~ 我地行埋去睇下先 ~
行到去櫻花樹下喇 ~
呢幾棵開得好靚吖, 配上四周的靚景 ~ 好正呀個 feel ~
各位團友, “絕景” 出場 !!!!!
嘩嘩嘩, 呢度真係好靚呀!!!!!!!!!!!!!!!
有小舟, 有川流, 有櫻花, 有藍天白雲, 簡直無得頂呀 !!!! 果然係 “絕景” ~~
你地黎到渡月橋一定要行埋過黎呀 !!!!!
沿路行就已經到達 嵐山公園 (中ノ島地区) 喇 ~~
大家會唔會開始覺得, 棵棵櫻花樹都一鬼樣呢 ??
唔知點解佢地凡親係寺廟, 公園等等都係呢 d 石地呢 ??
旁邊都係有呢 d 檔口 ga !!!
都成 12 點幾喇, 我地要去醫下肚先 ~
呢間食店 (こばやし) 係好 random 咁响附近 d 舖頭揀既 ~
呢 set 係二等兵揀既 “当店のおすすめ” (當店推介) (1080 yen)
揀呢 set 因為鍾意佢有蝦天婦羅烏冬, 有豆腐, 又有飯 ~~
不過質素就好一般喇, 個蝦天婦羅浸到淋 pat pat 咁, no good 啦 ~~
個飯就無話好食定唔好食 ~
冷豆腐 ~~
漬物 ~~
呢個係隊長叫既 “親子丼” (800 yen)
其實即係雞肉同雞蛋, 所以就叫 “親子” 囉 ~~ kaka ~~
個味道好滑蛋雞肉飯 ga ~
OK 啦, 唔係十分好好味但又唔難食囉 ~
個麵豉湯就幾好味 ~
漬物 ~~
响呢度侵略到咁上下, 我地就搭 嵐電 由 嵐山駅 去 北野白梅町駅 喇 !!!
因為我哋下一個景點係金閣寺 ~~
哈哈 ….. 又可以蓋印仔 ~
原來呢款印仔係分春, 夏, 秋, 冬, 加加埋埋差唔多成十個印 ga !!! 要儲晒一套睇怕都要移民去日本先得喇 ……@@
各位團友, 記住所有 IC CARD 都唔可以用 ga, 要額外買票的 !!!
每人 200 yen ~~
每十分鐘一班車, 過左呢班車都唔使怕 ~
溫馨提示 : 唉, 本來我地想在站內做 “足湯” (150 yen) ga, 但上到車先記得, 所以如果你地想做既話就要記住喇 !!!!!
架車係咪好懷舊呢 ??
好喇 ….. 睇下車長先生揸車先 ~
真係好市內電車既 feel ga, 週圍 d 婆婆拎住一袋二袋响度傾偈, 雖然唔知佢地傾乜, 但感覺到好街坊 feel ~~
睇吓段片, 似唔似玩緊電車 GO ~~
去到 帷子丿辻駅 要落車去對面月台轉線 (嵐山本線 -> 北野線)
20 mins 後, 到喇 !!!!!
架粉紅色列車停左响度, 我地又影一輪相 !!!!
點知到人地出晒閘, 得返我地兩個都仲未出閘喎, 站長先生等左我地一輪, 你兩個友仔仲响度影呀影, 影呀影, 佢終於忍唔住問我地收返張飛入 office, 淨返我地兩個响月台繼續影相, kakaka ~~
呢個都係 “印仔系列” 其中一個 ~
攪完一輪, 終於步出北野白梅町駅喇 !!!
一出站梗係要睇下地圖先 ~
望到巴士站所在位置就出發喇 !!!!!!!
下回 : Day 5 Part 4
沒有留言:
張貼留言