雖然呢個係快速列車, 但都搭左成個鐘, 不過都好, 起碼可以在車上瞓下覺, 休息下先 ~
返到大阪都係大約 7:00 pm, 心水清既朋友都應該記得我地相機舊電已經所餘無幾, 加上呢個時候隊長又話要去 紀伊國屋書店 & 紀伊國屋書店 (コミック專門店) 放血, 所以二等兵呢個時候就搵間 Choco Cro hea 下先, 而隊長就去放血同埋返酒店拎返舊電 ~~
ヨドバシ梅田 (Yodobashi-Umeda)
响隊長好 busy 咁放血既時候, 你睇二等兵同鬆弛熊幾咁鬆弛响度嘆緊件士多啤梨 cake ~~
呢件都係期間限定既士多啤梨蛋卷 (400 yen), d mousse 就好滑喇, 但蛋糕部份有少少失望 ~
等左 1.5 hrs, 隊長終於放完一大灘血喇, 買到好滿足啦 !!! @@ 我地就去道頓堀食 Dinner 喇 ~~
經過梅田見到呢個廣告版好吸引, 靚女吖 ~~
一日黎兩次心齋橋筋, 問你 “屎” 未 !!!
哈哈 …. 又黎到呢個固力果廣告版 ~ 好多人吖 !!!
好喇 …. 我地用唔同既燈光效果睇下先 ….同一個景, 日又影, 夜又影, 仲要唔同顏色背景都影幾廿張, 所以呢個 trip 咪可以影左成 6 千幾張相囉 !!!
藍色天空 ~
黃昏喇 ~~
夜晚既福山雅治呀 ~~~
水的倒影好靚 ~
日本連 H&M 的廣告都靚過 HK ?? 可能因為五光十色襯托啫 ~~
國產朝日啤酒 ~
唔得喇, 响度又聞到好香既燒蟹腳味, 二等兵肚皮打鼓喇 !!!
哈哈 …. 隊長終於肯去食野喇 !!!
其實二等兵係一個蟹痴, 上年去東京無食 かに道楽, 今次黎到大阪, 隊長達成二等兵心願黎到侵略喇 !!!
道頓堀有 3 間かに道楽, 我哋揀咗 本店 ~~
飲杯茶, 睇下食乜先 ~
我地叫左一個 set – タラバかに石焼き会席 (3990 yen) 另外再散叫 3 款壽司 ~
タラバかに石焼き会席 :
かに前菜三種・かに酢・かに造り・かに茶碗蒸し・タラバかに石焼き・かに寿司・吸物・アイスクリームお抹茶かけ
因為個 set 已經包括一客壽司, 當店員見到我地叫多三款壽司後, 佢表示我地會唔會食得晒呢 ?? 又難怪既, 單憑隊長既外表, 好難想像得到隊長既戰鬥力, 於是二等兵就用身體語言表示, 指住隊長, 再指下佢個肚表示一個好大既肚腩, 店員即刻明白晒 !!! kakaka …. ~
店內環境 ~
我地被安排坐窗口位, 正吖 …. 又可以望住街景享受呢餐 Dinner !!!
前菜 : 大致都係菜 + 蟹肉, 中間是生的蟹肉, 好鮮味 !!!
呢個係熟蟹腳, 其實每款菜都配上不同的醬汁, 在日本食這些料理簡直係一種享受 ~
生的蟹腳, 勁鮮味 !!!
壽司出場喇 !!!
かににぎり (蟹肉壽司) (1590 yen, 6 件), 真係好好味 !!!
黎到關西, 梗係要試下關西特產既 かにバッテラ (蟹肉箱壽司) 啦 !!! (1400 yen, 8 件), 同手扼壽司相比, 箱壽司的飯比較酸, 加上壓得較實, 二等兵都係鍾意手扼壽司吖 ~
二等兵既至愛 !!! 登登登登 …. かにみそにぎり (蟹膏壽司) 出場 !!! (1470 yen, 7 件)
wow, 真係好味到唔知點形容 !!! HK 一定食唔到 !!!
set 裡的茶碗蒸蛋, 好滑吖 !!!
set 裡仲有石燒 ga, 材料有蟹肉之餘, 仲有些蔬菜 ~~
本來呢, 呢個石燒放响二等兵果面由二等兵負責 ga, 但係蟹痴既二等兵掛住食, 都無乜點理過個石燒, 隊長可能心急過二等兵, 於是就自己黎喇 !!! kakaka ~
呢個就係 set 裡面既壽司喇 ~~ 梗係自己散叫既壽司正 d 啦 !!!
仲有個清湯 ga ~
最後吃埋呢個新鮮即磨抹茶雲呢嗱雪糕, 呢餐就圓滿結束喇 !!!
剛才落單的店員, 見到我地真係清晒枱面上既野, 佢就望住我地笑笑口, 如果佢知我地轉頭再去食多客章魚小丸子的話, 佢會唔會嚇親呢 ???
鬆鬆, 今餐你請呀 ??? 咁客氣呀 !!! kakaka ~ 盛惠 8450 yen, 好滿足呀 !!!
好野梗係唔好俾佢停, 我地向前行, 見到好多旅遊書介紹既 本家大たこ, 二等兵又話要試下~~~
一行到埋去, 就聽到佢地講國語 “你好”, 好喇 …. 我地排隊先 ~
排隊期間梗係偷影下佢地啦 !!!
個樣就好 pro 喇, 唔知好唔好食呢 ??
我地買左 1 盒 6 粒 (300 yen) ~
umm … no good no good … 同 HK 果 d 同 grade 既 …….. !!! 實在太失望喇 !!! 同今日下午食果間實在相差得太遠 !!!
結果 Day 5 忍唔住去返 "たこ家道頓堀くくる本店" 食多一次!!!
食左咁多野, 响道頓崛散下步先 ~
見到呢 d 雪糕好吸引吖 ~~
呢間金龍拉麵聽講好出名 ….. 但又聽過出名後 …….. 自己諗下我想講乜啦 !!!
見到汽水機又影一餐 ~~
哈哈 …. d 店舖真係好得意ga ~
睇吓時間, 突然驚覺原來玩到咁夜喇, 於是就即刻搭地鐡返梅田 ~
途經 namba HIPS
坐御堂筋線返梅田 ~~
行經 JR 大阪駅返 Hotel ~~
大阪駅內平時人頭湧湧既 Kiosk 便利店, 呢個時間終於無人喇 !!! 間舖都幾靚 ga ~
又因為太夜既關係, 終於可以影到呢張廣告版喇 !!!
呢個係 大丸 入面既沙漏時計台 ~~
唔得喇, 快 d 沖完涼做一隻 sake 鬆浸下雙腳先 ~~~
好攰呀 !!!!!!!!!!!!!!!!!!!!
各位團友早抖喇 !!!!!!!!!!!! 明天有更豐富既節目 !!!
———————————————————————————————————
| 27/3/2010 | ||
| 天守閣入城費 | 600 x 2 | ¥1,200 |
| 名信片 | ¥100 | |
| 雪糕 | 粟米味 + 櫻花味 300+280 | ¥580 |
| Athens | 書 | ¥4,140 |
| 自由軒 | 咖喱飯 + 蛋包飯 700+650 | ¥1,350 |
| 北極 | 紅豆雪條 | ¥120 |
| Copo | 絲襪 | ¥395 |
| たこ家道頓堀くくる | 章魚小丸子 | ¥498 |
| Lawson | ¥614 | |
| 增值 IC | 2000 x 2 | ¥4,000 |
| 明石大橋入場費 | 300 x 2 + 300 x 2 | ¥1,200 |
| Lotteria | 蝦堡 | ¥290 |
| 紀伊 | 1200 x 2 | ¥2,400 |
| 紀伊 | ¥1,500 | |
| 紀伊 | ¥4,903 | |
| Choco Cro | 士多啤梨卷 | ¥400 |
| 蟹道樂 | 3990+1470+1590+1400 | ¥8,450 |
| 本家大たこ | 章魚小丸子 | ¥300 |
| Tsutaya | 619+1500 | ¥2,119 |
| 增值 IC | 3000 x 2 | ¥6,000 |
| am. pm | 88+88+120 | ¥296 |
| 打電話 | 100+100 | ¥200 |
| Total : | ¥41,055 |
下回 : Day 3 Part 1
沒有留言:
張貼留言