Day 5 Part 4 - 金閣寺, 銀閣寺

今日行程 : 京都 —> 亀崗 (嵯峨野小火車) —> 竹林散策 —> 渡月橋 —> 嵐山 (Lunch) —> 金閣寺 —> 銀閣寺 —> 哲學之道 —> 心齋橋 (Dinner) —> Hotel 休息
响北野白梅町駅往金閣寺方向行, 就會見到呢個巴士站, 我地要乘搭 205 號巴士, 車費都是劃一, 220 yen, 而車程大約 15 mins ~
巴士路線檢索 : http://www.city.kyoto.jp/kotsu/rakunavi/index.html

巴士路線圖 : http://www.city.kyoto.lg.jp/kotsu/page/0000019770.html

唔知邊度落車唔緊要, 當你地見到有一大堆人落車既站就無錯喇 !!! kaka ~

一落車就見到有指示牌 ~

沿著指示牌方向行 ~

d 地圖好得意吖, 如果 HK d 地圖都係咁精美既話, 二等兵可能已經學識睇地圖喇 !!!

隊長 : “藉口就真 !!!”

好喇, 我地又黎到另一個世界文化遺產喇 ~~~
睇吓 d 位置 先 ~~

麻煩各位團友每人交低 400 yen 先~

咦, 呢度 “符” 咁面善既, 响二等兵屋企有幾張喎 ….. 乜原來係入場卷黎 ga ??

後尾返屋企睇返, 原來呢張多左 “如意吉祥” 4 個字, 其他地方就一模一樣  ~

好喇, 相信大家對於下面的相片都見過 n 咁多次喇 !!!

其實個個都係响呢個位影過去, 相信只係相機質素同天氣有差別 ~

金閣寺 外圍舖上金泊, 所以遊客都不能行近及內進 ~

於是我們只能沿著金閣寺的指定路線行一個圈 ~

其實寺廟唔係應該簡樸 d 嗎 ?? 點解要舖上金泊咁浮誇呢 ??

這裡應該是許願吧 ??  因為地上舖滿善信撒下的零錢 ~

這間屋是用竹茅而建的 ~

由這個角度可以望到屋頂上竹茅 ~

大約 45 mins 就行晒一個圈喇, 除左間金閣寺外, 好似無咩睇咁呢 ~

見咁就侵略完金閣寺, 時間比我地預計既早, 於是我地就開始 hea 住咁搵巴士站去銀閣寺喇 !!!

响搵巴士站既時候, 二等兵見口渴, 於是買了支類似寶礦力的飲品 ~

又見到 よーじや (金閣寺店)

行到去巴士站既時候, 已經見到一大堆遊客等緊巴士往銀閣寺 ~

由於往銀閣寺既車程需要大半個鐘, 二等兵雙腳已經好攰喇, 所以非常渴望有位可以坐, 眼見巴士站佈滿遊客, 於是叫隊長睇下仲有無其他路線可以去銀閣寺 ~

當時有一架 204 號巴士來到, 好多遊客都上呢架車, 隊長話我地可以唔上這架車, 後面果架 102 號巴士都可以去到銀閣寺, 仲有好多位 tim 吖, 於是我地就上呢架 102號喇 ~

上到車, 因為預計要坐成 45 mins 先去到銀閣寺, 所以二等兵同隊長已經瞓到成隻豬咁喇 !!!!!!

响我地瞓得好冧既時候, 二等兵突然紮醒, 架車停低咗, 於是就望望窗外

原來已經到左銀閣寺站喇 !!!!

隊長, 到喇, 快 d 起身喇 !!!!!

當時 d 人排緊隊俾錢落車喇, 好彩突然紮醒咋, 如果唔係唔知坐到去邊喇 !!! 真係非常好彩 !!!

落車後, 已經見到哲學之道的牌子喇 ~ 嘩 …. d 櫻花開得好滿吖 ~~~~~

隊長 : “等我做下智者, 行下哲學之道先 ~”

二等兵 : “等埋我吖, 我又要掹住隊長衫尾行 ~~”

哈哈哈, 呢 d 時候二等兵又開始發晒癲喇 !!!

d 櫻花樹又大棵, 成條哲學之道都種滿櫻花樹, 真係非筆墨所能形容 ~~~

啱啱瞓醒完特別好體力 ga, kaka ~

我地向銀閣寺及哲學之道方面進發 !!!!

沿路梗係享受一下在櫻花樹下散步既感覺啦 ~~~

除左好靚, 好靚同好靚之外, 就係好 relax, 好 relax 同 好 relax ~~

[youtube http://www.youtube.com/watch?v=ZktTC5qeUa4&hl=zh_TW&fs=1&]

除了有櫻花樹外, 仲有這些紅色菓子, 唔知係咩黎呢 ??

入去銀閣寺之前, 門口有幾檔雪糕檔, 我地見呢間多人幫襯, 又過黎襯熱鬧 ~

好多款式吖 ~ 好吸引吖 ~

二等兵 : “隊長 ~~~~~

”

隊長 : “都估到你想點喇 !!!”

二等兵既「選擇困難症」又開始發作喇, “咁多選擇, 食咩味好呢  ??”

結果由隊長揀左呢隻 「吉士味」雪糕 ~

嘩嘩嘩 ~~~ 支雪糕勁正呀 !!!!!!!!

 必食之選呀 !!!!!!!!

攪完一輪, 終於去侵略 銀閣寺 喇 !!!!

入去前二等兵又忍唔住在外圍影多幾張相先 ~~

隊長 : “請問你行得未呢 ??”

好喇好喇, 要入去喇 ~

從地圖可以見到銀閣寺內的 分佈 ~

入場費每人 500 yen, 非常出奇地竟然貴過用金泊舖面的金閣寺 !!!!!

這張就是銀閣寺的入場卷喇 ~

同金閣寺入場卷比較一下吖 ~

Go

Go

Go

…….

呢個係 “向月台” ~

呢個 “銀沙灘” 近睇好似無咩特別咁, 但原來遠睇好靚 ga ~~

一間一間有 pattern 的, 好靚 ~

祈願的護摩木, 300 yen 一支 ~

"洗月泉" ~

環境優美 ~~

這塊是 “大內石” ~

"東求堂" ~~

由高處往下望, 見到剛才的銀閣寺 & 銀沙灘 全景 ~

唔得喇, "影相怪" 忍唔住喇 !!!

"浮石" ~

還有 “銀閣（観音殿）”, 不過都是不能進入的 ~

這個模型講解左點樣興建這個殿 ~

响銀閣寺行下影下相都侵略左 1.5 hrs, 行返出門口見到有野食, 二等兵又走去八下 ~

原來係泡芙吖 ~

二等兵見到泡芙又點會放過吖 (300 yen) ~

味道有三種 : 吉士, 抺茶 & 櫻花味 ~

今次得三款揀, 二等兵梗係無 “選擇困難症” 啦 !!!

根據呢幾日累積既經驗, 櫻花味其實係無咩味 ~

頭先食完吉士味雪糕 !!

好喇, 今次要抺茶味啦 ~!!

D 抺茶忌廉好味吖 ~ 可以一試 !!

仲有抺茶布甸 tim, 不過我地都唔感興趣 ~

其實呢度 d 舖頭真係好細心, 可能店員都知道遊客行咗咁耐, 雙腳都攰喇, 泡芙店內有櫈同熱茶供應 ga, 買完泡芙唔使在街上拎住食, 可以坐响度慢慢食, 食完飲杯茶先繼續行程 ~

原來這裡都有 “古都芋”, 本來我地都想買個芋頭味的古都芋, 但唔知點解講講下無買到 ~

下回 : Day 5 Part 5